په ذات الرقاع غزا کي د صلاة خوف حکم

دا هغه ځای دی چیرته چې په لومړي ځل د "صلاة خوف" یا د ویرې د لمانځه حکم راغی. همدلته د ذات الرقاع په نوم غزا پېښه شوې، دا ځای د مدینې منورې ختیځ لوري ته د حناکیه سیمې ته نژدې واقع دی. د هجرت په څلورم کال رسول الله ﷺ ته خبر راغی چي د غطفان ځینو قبایلو لښکر تیار کړی چي پر مدینه برید وکړي، د څلورو سوه صحابه کرامو سره قبایلو ته درس ورکولو لپاره رسول الله ﷺ راووت، دې سیمې ته چې راورسید نو د غطفان قبایلو کې ویره خوره شوه او ټول جنګیالي د غرونو سرو ته پورته شول، د لمانځه وخت شو خو د اسلام سپاهیان ویریدل چي هسي نه لمانځه مهال پرې برید وشي، په دې سره د صلاة خوف لمانځه حکم نازل شو، خو قبایلو برید ونکړ او مسلمانان له جګړې پرته ګټیالي مدینې ته راستانه شول... دې قبایلو څه موده وروسته اسلام قبول کړ او په فتح مکه او حنین په غزا کې یې مهم رول ادا کړ.